အမျိုးသမီးများ၏ ဘ၀ကို အချင်းချင်းဖေးမကူညီခြင်းအားဖြင့် မြှင့်တင်နိုင်ဖို့ နယ်ပယ်အသီးသီးမှ လုပ်ငန်ရှင်၊ ခေါင်ဆောင် အမျိုးသမီး Volunteer Mentor များကို လှိုက်လှဲစွာ ဖိတ်ခေါ်လျှက်ရှိပါသည်။

SHEowner Business Mentorship Program သည် ၂၀၂၁ ခုနှစ်တွင် စတင်ခဲ့ပြီး အဓိကအားဖြင့် တနိုင်တပိုင် စီးပွားရေးလုပ်ငန်းလုပ်ဆောင်နေသူ၊ စီးပွားရေးလုပ်ငန်းစတင်ဖို့ စီစဉ်နေသူများအတွက် ရည်ရွယ်သော အစီအစဉ်တစ်ရပ်ဖြစ်သည်။ ဤအစီအစဉ်သည် အမျိုးသမီးများ အချင်းချင်း လမ်းညွှန်ပြသပေးမှုနှင့်အတူ အချင်းချင်းအပြန်အလှန် သင်ယူလေ့လာခြင်းမှတစ်ဆင့် အမျိုးသမီးများ ခေါင်ဆောင်မှု၊ စီးပွားရေးလုပ်ငန်း နှင့် တကိုယ်ရည် ဖွံ့ဖြိုးတိုးတက်မှုများ (Business Skills, Self-improvement, Personal development, Career growth) မြှင့်မားလာစေရန် ရည်ရွယ်ပြီး လုပ်ဆောင်ပေးသော စီမံကိန်း တစ်ရပ်ဖြစ်သည်။

ကောင်းရာညွှန်ပြသူ (Mentor) သည် လုပ်ငန်းအအကြုံများစွာ (သို့မဟုတ်) ခေါင်းဆောင်မှုနေရာတွင် လုပ်ကိုင်ဆောင်ရွက်နေသူ၊ ပညာရေးကောင်းစွာတတ်မြှောက်ထားသူ၊ စီးပွားရေးလုပ်ငန်းတွင် ကျွမ်းကျင်စွာ လုပ်ကိုင်ဆောင်ရွက်လျက်ရှိသူ၊ လုပ်ငန်းရှင် (သို့မဟုတ်) နားထောင်နိုင်စွမ်းရှိသူများဖြစ်ပါသည်။ ထိုသူများသည် ကောင်းရာညွှန်ပြမှုလိုအပ်နေသော (Mentee) အမျိုးသမီးများအား အသိပညာ၊ နည်းပညာ၊ ဗဟုသုတ နှင့် စွမ်းရည်များ ပိုမိုတိုးတက်လာစေရန် လမ်းညွှန် ကူညီပေးခြင်းဖြစ်သည်။

တနိုင်တပိုင် စီးပွားဖြစ် ဝင်ငွေရှာနေတဲ့ အမျိုးသမီးများ၊ ကိုယ်ပိုင် လုပ်ငန်း တစ်ခုခုကို စတင်အကောင်အထည် ဖော်ချင်နေသူ အမျိုးသမီးများကို ငွေကြေးနဲ့ မဟုတ်ဘဲ မိမိ ရဲ့ ခေါင်းဆောင်မှု၊ လုပ်ငန်းအတွေ့အကြုံ၊ စီးပွားရေးဆိုင်ရာကျွမ်းကျင်မှုနှင့် ဗဟုတုသ များမျှဝေ ပေးနိုင်တဲ့ ဒီ SHEonwer Mentoring အစီအစဉ်မှာ ပြန်လည် ပါဝင်ဖို့ အမျိုးသမီးလုပ်ငန်းရှင်ကြီး များကိုဖိတ်ခေါ်လျှက်ရှိပါသည်။

ဒီလို အခက်အခဲကာလအတွင်း အမျိုးသမီး အချင်းချင်း ချိတ်ဆက် ကူညီပြီး လက်တွေ့ စီးပွားရေးလုပ်ဆောင်ရာမှာ စိတ်ခွန်အား လှုံ့ဆော်ပေးဖို့ အများကြီးလိုအပ်နေပါသည်။ နိုင်ငံရေးမတည်ငြိမ်နေမှုကြား မိသားစုဝင်ငွေရှာ နေရတဲ့ အမျိုးသမီးများ စွာရှိနေပါသည်။ထို သူတို့အတွက် (၄) လသာ Mentor အနေဖြင့်ပါဝင်ကူညီပေးနိုင်သူ လုပ်ငန်းရှင် အမျိုးသမီးများများလိုအပ်လျှက်ရှိပါသည်။

• မိမိ၏ ခေါင်းဆောင်မှု စွမ်းရည်ကို အမျိုးသမီးများ အချင်းချင်း မျှဝေ၍ ကူညီဖေးမပေးခြင်းအားဖြင့် မြှင့်တင်လိုသူများ။
• လုပ်ငန်းဆိုင်ရာ အတွေ့အကြုံနှင့် ဗဟုသုတများ လိုအပ်နေသေးသော အမျိုးသမီးများ၊ မိခင်များအား ဖေးမကူညီခြင်းအားဖြင့် အချင်းချင်း အပြန်အလှန်လေ့လာလိုသော စိတ်ဆန္ဒရှိသူများ။
• မိမိကိုယ်ကို ဦးဆောင်နိုင်ရုံသာမက အခြားအမျိုးသမီးများကိုပါ ကူညီဦးဆောင်နိုင်သော အမျိုးသမီးခေါင်ဆောင်များပေါ်ထွက်လာဖို့ရန် စိတ်အားထက်သန်ပြီး ပါဝင် ကူညီချင်သူများ။
• အမျိုးသမီး လုပ်ငန်းရှင် များများပေါ်ထွက်လာဖို့ရန် အားဖြည့်ကူညီလိုသူများ ကို SHEowner မှ ကြိုဆိုလျှက်ရှိပါသည်။