အမျိုးသမီး အချင်းချင်း အပြန်အလှန် သင်ယူလေ့လာခြင်းမှတစ်ဆင့် ခေါင်ဆောင်မှု၊ စီးပွားရေးလုပ်ငန်း နှင့် တကိုယ်ရည် ဖွံ့ဖြိုးတိုးတက်မှုတို့  မြှင့်တင်လိုသူများအတွက် Mentee(s) အမျိုးသမီးများ လျှောက်လွှာခေါ်ယူခြင်း။

SHEowner Business Mentorship Program သည် ၂၀၂၁ ခုနှစ်တွင် စတင်ခဲ့ပြီး အဓိကအားဖြင့် တနိုင်တပိုင် စီးပွားရေးလုပ်ငန်းလုပ်ဆောင်နေသူ၊ စီးပွားရေးလုပ်ငန်းစတင်ဖို့ စီစဉ်နေသူများအတွက် ရည်ရွယ်သော အစီအစဉ်တစ်ရပ်ဖြစ်သည်။ ဤအစီအစဉ်သည် အမျိုးသမီးများ အချင်းချင်း လမ်းညွှန်ပြသပေးမှုနှင့်အတူ အချင်းချင်းအပြန်အလှန် သင်ယူလေ့လာခြင်းမှတစ်ဆင့် အမျိုးသမီးများ ခေါင်ဆောင်မှု၊ စီးပွားရေးလုပ်ငန်း နှင့် တကိုယ်ရည် ဖွံ့ဖြိုးတိုးတက်မှုများ (Business Skills, Self-improvement, Personal development, Career growth) မြှင့်မားလာစေရန် ရည်ရွယ်ပြီး လုပ်ဆောင်ပေးသော စီမံကိန်း တစ်ရပ်ဖြစ်သည်။

ကောင်းရာညွှန်ပြသူ (Mentor) သည် လုပ်ငန်းအအကြုံများစွာ (သို့မဟုတ်) ခေါင်းဆောင်မှုနေရာတွင် လုပ်ကိုင်ဆောင်ရွက်နေသူ၊ ပညာရေးကောင်းစွာတတ်မြှောက်ထားသူ၊ စီးပွားရေးလုပ်ငန်းတွင် ကျွမ်းကျင်စွာ လုပ်ကိုင်ဆောင်ရွက်လျက်ရှိသူ၊ လုပ်ငန်းရှင် (သို့မဟုတ်) နားထောင်နိုင်စွမ်းရှိသူများဖြစ်ပါသည်။ ထိုသူများသည် ကောင်းရာညွှန်ပြမှုလိုအပ်နေသော (Mentee) အမျိုးသမီးများအား အသိပညာ၊ နည်းပညာ၊ ဗဟုသုတ နှင့် စွမ်းရည်များ ပိုမိုတိုးတက်လာစေရန် လမ်းညွှန် ကူညီပေးခြင်းဖြစ်သည်။